唉........住醫院, 真係好悶..........
琴晚訓覺就真係辛苦.....
12點幾上床, 點知訓到2點就醒左....... 好辛苦捱左成個鐘先訓得返..... 點知個幾鐘又醒過.... 如是者訓下醒下訓下醒去, 先捱到去7點幾..... 嬸嬸開燈就起身去刷牙洗面...... 準備去餵靖天喇!!!! 
一入到餵奶房, 就聽到好多bb o係度狂喊.....
真係心都痛埋..... 以為自己個女都會喊到癲啦, 點知無喎....淨係"wa"左幾聲........ 咁乖既?!
嘻嘻!!!! 今日仲好順利, 食到1安半多少少既奶奶, 食完就好乖咁訓左覺覺喇.... 真係抵錫~~ 希望佢出左院都係咁乖啦.....
然後就返房, 老公已經到左喇, 我地一齊上左canteen買早餐, 跟住落返張床度食...... 然後呢.... 就好悶, 好悶 , 好悶.......好彩老公準備左notebook俾我上网咋, 唔係我一定發左毛~~~~
呢幾日真係辛苦曬佢, 日日晨咁早就出黎陪我, 到夜晚先走..... 佢又悶, 又攰..... 仲要照顧我..... 老公, 多謝你啊!!!! 
問左巫e生, 我進展都合格喎, 無意外聽日可以出院喇!! 
yeahyeahyeah~~~
至於靖天呢..... 胡醫生話要睇埋聽日個黃疸報告先知.... 搞到我成日個心就囉囉亂咁.... 如果佢唔走, 我都唔會走架.......... 
夜晚特登磨到成12點先上床, 目的只係想自己好訓o的.......唉, 好慘啊........ 
