朝早既時間都係唔落得床架喎...... 因為前一日巫e生講到明我要訓床一日, 原因係做左半麻醉喎..... 咁唯有繼續等啦.....
等到巫e生上午黎探我喇..... 問左o的進度, 好野..........可以拆左條喉喇, 仲可以試下落床添!!!! yeahyeahyeah~~~~ 
初初以為會痛死架....... 點知又死唔曬喎, 哈哈~~~ 只係少少拿住咁....... 好快就折左喇~~ 可以落床喇...... 
跟住我叫姑娘俾塊束腹帶我cool住...... 聽人話cool住先落床無咁痛麻, 呵呵!!!! 
點知老公有事行開左喎, 佢仲千叮萬囑我要等佢返黎先可以落床...... 
當然啦, 以我既性格, 一秒都等唔切啦..... 好辛苦慢慢自己起身先...... 嘩, 好暈.... 原來真係會暈架喎!!! 
抖左陣, 跟住就試下放對腳落地先..... 嘩, 又暈一暈喎!!! 巫e生講野真係準啊, 哈哈!!! 正想企o係度之際, 老公返黎喇...... 
... 哈哈~~ 佢話我做咩唔等埋佢.... 我話要自己黎!!! 唔可以成日靠佢架麻, 我要快o的行到, 我要快o的去餵奶俾阿b.....
其實令我咁有動力去起身同埋去行既只因為阿b....... 我好想快o的餵奶, 好想快o的親親佢.... , 所有野, 全因為您!!!!
老公一路睇住我, 我自己慢慢企起身..... 真係好wing啊....... 訓左成晚, 真係會暈架喎, 哈哈!!!!
跟住慢慢行去張櫈到度低......... 抖下, 又起身, 再行出去床邊...... 一步一步咁.....
好快我就可以行出走廊喇, 呵呵!! 幾犀利!!!!!
跟住拿拿聲叫老公幫我報名下午3點3既餵奶時間..... 我要見我既心肝啊!!!!
就係咁, 我一個上午既時間, 就咁就消磨左喇......
(續....)
