成個手術, 最遺憾係, 我自己一個孤軍作戰......
因為我個case屬於emergency case, 老公係唔可以陪我入手術室架..... 
為左心肝著想, 又可以快o的見到心肝, 所以都係犠牲同老公分享心肝出世既一刻, 快o的見到心肝, 加上我真係唔想再痛多十幾個鐘.... 哈哈, 
所以都係...... 洗o的$$$$$啦...... 
自己一個俾人推落手術室既感覺真係差
, 加上途中不斷有陣痛..... 又驚, 又辛苦.....
落到手術室, 不停俾唔同岡位既姑娘問同一set既問題: 有無藥物敏感? 有無做過手術? 有無....?
有無.....? 有無.....? 答到我..... 唔洗諗都識講..... 因為全部答案都係: 無! 哈哈!!!
成個過程只係用左大約45分鐘度..... 首先過床啦, 跟住就蓋好o的布啦, 左手就插住脈膊機, 右手就插住鹽水啦, 因為我揀左用半身麻醉, 跟住就要轉一轉, 背脊對住麻醉師..... 仲要縮到好似蝦米咁..... 唉~~ 我個肚已經痛到死, 點縮呢....... 但唔縮又唔得喎, 麻醉師話, 縮得唔好曲, 陣間枝針落得唔好, 又要打過....... 俾人咁嚇一嚇, 抖唔到氣都要做架啦........... 
原來做半身麻醉唔係好痛咋喎....... o個幾針少少痛咁啦.... 好似平時打針咁.... 打完跟住就開始feel到痺痺地喇, 由對腳一路痺上去...... 嘩, 原來係痺到上個心口架!!!! 我仲以為半身只係痺到去條腰添....... 
跟住麻醉師同我做左o的test, 用濕紙巾整下我問下凍唔凍啦, 答到唔凍, 咁就開始喇......
姑娘將一塊大布遮住我個頭對落位置..... 即係乜都睇唔到, 然後巫e生就開始黎料喇!!!!
(續.....)
