終於等到巫e生黎到喇.....  左check check, 右check check..... 結果都係一樣: 宮頸只係軟左少少咁多, 頭仔仍然好高.....

同e生商量過後, 都係唔想等催生, 因為可以成功催生既機會我自己覺得都幾低.....同埋陣痛真係好辛苦, 成日痛下唔痛..... 我痛左24個鐘已經痛到驚左...... 仲要我等多唔知幾多個鐘, 我先無咁笨...... 梗係開刀!!!!

當然首先係問左價錢先啦, 因為改星期日緊急開刀, 條數唔平架喎...... 陣間收我八千一萬咁咪大鑊?! 邊有錢找數.......  好彩,只係當緊急開刀, 多收3-4千 (唔知真定假) , 最好彩係竟然有位喎, 仲要係即刻有位唔洗等..... 好野!!! 唔洗15分鐘, 巫e生已經安排好, 話o係手術室見, 跟住有姑娘囉衫入黎同我換, 又有嬸嬸推張床等我過床.....

好感動好緊張啊..... 突然間, 我早左足足一日可以見到心肝..... 忍唔住眼濕濕仲要俾e生見到添, 哈哈, 真係醜死怪..........

o個陣只係1月6日早上既9點半度咋....... 一切都黎得好快......好快.......

(續......)